Milli Məclisin deputatı Səbinə Xasayeva 8 Noyabr – Zəfər Günü ərəfəsində dövlətimizə və millətimizə canları və qanları bahasına əmin-amanlıq verən şəhid ailələrininə ziyarətini davam etdirir.

Bu gün 07 noyabr 2022-ci il tarixində millət vəkili Səbinə Xasayeva Xocəsən bələdiyyəsinin sədri Nigar Məmmədova ilə birlikdə torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş igidlərimizdən birinin, Toğrul Rüfət oğlu Hacıyevin ailə üzvlərini ziyarət edərək Zəfər Günü münasibətiə onları təbrik etmiş və ailəyə bayram sovqatı təqdim etmişdir.
Şəhidin anası İlhamə Soltanova göstərilən diqqət və qayğıya görə ölkə başçısı Ali Baş Komandan cənab İlham Əliyevə və birinci vitse prezident Mehriban xanım Əliyevaya dərin təşəkkünü bildirmişdir.

Qeyd edək ki, Hacıyev Toğrul Rüfət oğlu1997-cı il fevralın17-də anadan olub. Əslən Füzuli rayonundan idi.

2003-2014-cü illərdə Binəqədi rayonunun Sulutəpə qəsəbəsinin 313 nömrəli tam orta məкtəbində təhsil alıb. 2014-2018-ci illərdə Azərbaycan Milli Konservatoriyasında baкalavr pilləsində, 2018-2020-ci illərdə isə həmin təhsil müəssisəsində magistr pilləsində ali musiqi təhsil alıb.

Toğrul Hacıyev 2020-ci ildən Azərbaycan Silahlı Qüvvələrinin sıralarında müddətli həqiqi hərbi xidmətdə idi. Azərbaycan Ordusunun əsgəri olan Toğrul Hacıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azad edilməsi uğrunda gedən döyüşlərdə savaşıb. Toğrul Hacıyev oktyabrın 10-da Füzuli döyüşləri zamanı şəhid olub. Biləcəri Qəbiristanlığında dəfn edilib.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamlarına əsasən Toğrul Hacıyev ölümündən sonra “Vətən uğrunda”medalı və “Füzulinin azad olunmasına görə” medalı ilə təltif edilib.